Bizimlə hər şey qorxusuz və əyləncəlidir

Birinci diş çıxandan sonra, təxminən bir yaş civarında. İlk görüş çox vaxt sadə tanışlıqdır: dişlərə baxır, fırçalamanı və qidalanmanı müzakirə edirik. Erkən gələn uşaq diş həkimini ağrı ilə yox, oyunla tanıyır.

Əvvəlcə uşaqla tanış oluruq, kabineti və alətləri göstəririk. Sonra müayinə edir, lazım olsa rentgen çəkirik. Görüşün sonunda valideynə dişlərin vəziyyətini, müalicə planını və evdə qulluğu izah edirəm. Uşaq hazır deyilsə, müalicəyə ilk gündən başlamağa tələsmirik.

Hər uşağa yox. Güclü qorxu səbəbindən müalicəyə imkan verməyən, uzun müddət kresloda qala bilməyən, bir neçə dişində geniş müalicə lazım olan və ya xüsusi qayğıya ehtiyacı olan uşaqlara. Qərarı müayinədən sonra, uşağın vəziyyətini qiymətləndirərək veririk.

Düzgün göstəriş, hazırlıq və nəzarətlə aparılan sedasiyanın riski çox aşağıdır, amma hər tibbi prosedur kimi tam sıfır deyil. Ona görə sedasiyadan əvvəl pediatr rəyi alırıq, sedasiyanı anestezioloq aparır və uşağın nəfəsini, nəbzini, oksigen səviyyəsini müalicə boyu izləyir. Pediatr icazə vermədikdə prosedura başlamırıq.

Uşaq tam oyandıqdan və vəziyyəti sabitləşdikdən sonra evə gedir. Həmin gün bir neçə saat yuxulu və ərköyün ola bilər, yanında böyük olmalıdır. Yeməyə maye və yumşaq qidalarla başlayın. Ertəsi gün uşaqlar adətən həmişəki kimi oynayır.

Bəli. Süd dişləri çeynəmə, nitq və daimi dişlər üçün yerin qorunması üçün lazımdır. Müalicə olunmayan kariyes ağrı və iltihab yaradır, daimi dişin rüşeyminə təsir edə bilər. Vaxtından əvvəl çəkilən diş isə daimi dişin yerini daraldır.

Müalicədən əvvəl keyidici dərmanı çox kiçik miqdarda sınayırıq, bunu "prob" adlandırırıq. Reaksiya olarsa, həmin preparatdan istifadə etmir, müalicə planını dəyişir və allerqoloqa müraciət etməyi tövsiyə edirik. Uşağın əvvəlki reaksiyalarını qəbulda mütləq deyin.

Çox dağılmış və ya kanal müalicəsi olunmuş süd azı dişini daimi diş çıxana qədər qorumaq üçün. Böyük plomb belə dişdə tez qopur, qapaq isə çeynəmə yükünə dözür. Daimi diş çıxanda süd dişi qapaqla birlikdə öz-özünə düşür.

Vərdiş nə qədər uzun davam edərsə, dişləmə dəyişikliyi riski bir o qədər artır. Əmziyi tədricən azaldıb 2-3 yaşa qədər tərgitmək məsləhətdir. Uşaq 3 yaşdan sonra da əmir və ya barmağını əmirsə, müayinəyə gəlin.

Müalicənin qiyməti dişlərin vəziyyətindən, müalicənin həcmindən və sedasiyaya ehtiyac olub-olmamasından asılıdır. Müayinədən sonra planı və qiyməti əvvəlcədən deyirəm. Ətraflı məlumat üçün WhatsApp-a yazın.

Mənim ixtisasım uşaq stomatologiyasıdır və saytdakı bütün məlumat uşaqlar üçündür. Böyük yaşda pasiyent qəbulu ilə bağlı sualınızı WhatsApp-a yazın.

Uşağın şəkli, videosu və ya müalicə nəticəsi yalnız valideynin yazılı razılığı ilə paylaşılır. Tibbi məlumatlar yalnız müalicə üçün istifadə olunur. Bu saytda heç bir forma doldurmursunuz.